40歲的陳柏宇（Jason）因唱功了得，出道不久曾被封為「翻版李克勤」。2017年陳柏宇與任職模特兒的女友符曉薇結婚，婚後育有兩名囡囡，分別是5歲的大女陳羿辰（Abigail）和1歲的細女陳星晴（Audrey）。兩人相戀以來，歷盡不少風風雨雨，陳柏宇太太符曉薇曾切除左邊輸卵管，更試過兩度流產的慘痛經歷。昨日（2日）是他們的結婚7周年，陳柏宇和符曉薇分別在IG出post分享喜悅。
相關閱讀：不一樣的爸媽丨陳柏宇老婆符曉薇重談兩度流產 臨別前聽胎兒心跳：點解上天要拎走我嘅BB？
陳柏宇與符曉薇結婚7周年：
陳柏宇昨日在IG貼結婚相，寫道：「happy 7th wedding anniversary」，而太太符曉薇就貼出一家食口食飯的照片，她寫道：「7周年結婚周年，13周年拍拖周年」，陳柏宇與符曉薇當年因拍電影《喜愛夜蒲》而撻着，不經不覺兩人已走過13個年頭。
陳柏宇貼出結婚當日與太太甜蜜嘴咀照及一張結婚切蛋糕的相片，而符曉薇則貼出一家四口的合照，和一張跟外傭姐姐慶生的照片。他們獲不少網民留言送祝福，「祝你同陳生白頭到老繼續恩愛，家庭成員幸福健康順順利利」、「陳生，好閃呀！旁人要放閃，閃不過」、「一直愛到下世界，一直Sweet落去」、「標媽萬歲，可以忍得到陳伯呢個人」，有網民更鬼馬留言問陳柏宇有否七年之癢，「癢唔癢呀？」
陳柏宇太太曾兩度流產：
符曉薇經歷兩次流產
陳柏宇與太太符曉薇早前接受ViuTV節目《不一樣的爸媽》訪問，他們重題椎心之痛，講述兩次流產的經歷，大女Abigail出生不久後，他們就希望為Abigail添一個弟弟或妹妹。2020年，符曉薇因宮外孕導致流產，需要切除左側邊輸卵管。他們未有沒放棄，沒多久符曉薇再次懷孕，但這次懷孕期間每日出現嘔吐和食慾不振。最終，醫生檢查後確診胎兒患有愛德華氏症（Edwards syndrome），胎兒的腦部和心臟發育不完整，四肢也不健全，符曉薇不得不與胎兒道別。符曉薇說：「嗰陣係三個月左右，醫生話頸皮有啲厚，有機會係唐氏，最初仲好樂觀諗可能只係肥啲，出嚟會冇事，點知收到醫生嘅電話，話係『愛德華氏症』。」
符曉薇：點解上天要拎走我嘅BB
當時符曉薇打算找一位權威醫生抽羊水再作詳細檢：「醫生照完話唔使檢查，太多問題，左腦右腦group埋一齊，個心又個窿，又冇咗隻手，腳又少咗一截，其實都冇得留。」最後符曉薇接受流產手術：「嗰陣醫生仲問我要唔要聽佢心跳，聽到嗰刻完全覺得係唔可信，點解上天要拎走我嘅BB？我仲記得做完手術，麻醉藥未過我就大喊，本來我話想keep個BB，但原來係唔可以。」符曉薇解釋想聽心跳的原因：「我想最後同佢say個拜拜，等我紀念下，唔想一瞓醒就好似無感覺咁，佢就走咗。」符曉薇又稱第一次流產後，開始紋身：「第一次係6周前仲未有啲乜嘢，連性別都未知，第二次就有BB，紋咗個天使。」
其他文章：
「翻版李克勤」細女生日竟於茶記與老婆開火 模特兒妻曾兩度流產婚姻現暗湧
陳柏宇晒父女「咀嘴」片捱轟！10個月大細女伸脷狂舔爸爸 一個原因被批行為不妥
