在昨晚（1日）播出的TVB節目《直播靈接觸》主題是「冥婚」，主持梁思浩突然重提在2013年與已故藝人翁美玲冥婚的事件，相隔11年，梁思浩在節目公開道歉：「好希望有機會同你講唔好意思，我亦想將呢件事真相話畀你聽，湯鎮業先生，我欠你一個道歉。」
相關閱讀：直播靈接觸丨鄧兆尊三奶表演狐仙上身姣樣盡現？ 請神「現身」爆秘密靈力驚人
梁思浩在節目公開向湯鎮業道歉：
梁思浩曾計劃與翁美玲「冥婚」
梁思浩在2013年曾為有線主持靈異節目《怪談》，當時曾公開表示計畫與逝世多年翁美玲舉行冥婚，結果惹來各界批評，指他不尊重死者。事隔11年，梁思浩在昨晚播出的《直播靈接觸》上，因今次的主題是「冥婚」，梁思浩趁機公開當年事件真相，他說：「今次唔係我第一次做冥婚主題，以前喺友台都做過，友台為咗要搞啲噱頭，同記者講我會同一個已故藝人冥婚，搞到好大件事。」梁思浩續說：「由此至終都冇呢件事，係（友台）當時高層度出嚟搞噱頭，等大家留意個節目。」不過梁思浩被該已故藝人的前男友鬧爆，於是梁思浩說：「好希望有機會同你講唔好意思，我亦想將呢件事真相話畀你聽，湯鎮業先生，我欠你一個道歉，對唔住，知道你當時好嬲，我只可以講當時人在江湖身不由己。」
湯鎮業曾鬧爆：係娛樂圈恥辱！
原來當日梁思浩「冥婚」的對象，正是已故女藝人翁美玲，當時梁思浩和岑寶兒（阿夢）主持的有線靈異節目《怪談》，兩人公開聲稱計劃分別與已故多年的翁美玲及鍾保羅進行冥婚，結果被外界狂轟，連翁美玲生前男友湯鎮業直斥「簡直係娛樂圈恥辱！」湯鎮業還說：「係人聽到都唔舒服啦！呢個題材完全係炒作，呃神騙鬼！始終人都過咗身，要尊重人哋家人。」其後梁思浩亦強調開名的是監製，自己一直覺得未成事，就不應該開名，但仍力撐劇組創意無限。
翁美玲珍貴片段逐格睇：
傳湯鎮業為翁美玲設靈位供奉
翁美玲在1982年參加完港姐而入行，與湯鎮業合作《十三妹》而認識，到了1984年公開戀情，可惜當時兩人因工作聚少離多，湯鎮業又經常被指花天酒地，1985年5月時兩人又在化妝間大吵，翌日翁美玲被她當時緋聞男友鄒世龍發現在九龍塘廣播道寓所內開煤氣自殺，送往九龍塘浸信會醫院搶救後不治，終年26歲。據廖駿雄生前受訪透露，湯鎮業為舊愛在佛堂設了一個靈位，希望為翁美玲積德並供奉，令翁美玲早日投胎。
其他文章：
直播靈接觸丨新馬師曾報夢做媒人？ 鄧兆尊三奶被硬銷：佢都唔係我鍾意嘅款
