TVB扮嘢真人騷《福祿壽訓練學院》昨晚（30日）已經完滿結束，「筷子基」陶大衛先後奪得「專業評審大獎」和「終極扮嘢王」殊榮。扮「痰輝智」演出「屈到輝智病了」的關嘉敏，雖然最終未有獲得任何獎項肯定，不過在網上迅即成為熱話，連譚輝智亦忍不住以7個字回應！
相關閱讀：TVB上位長腿小花扮王菲100%神還原 迷幻神情真假難分 網民：對眼最似！
關嘉敏神還原譚輝智「屈到輝智病了」：
雖然關嘉敏（Carman）在《福祿壽訓練學院終極對決》扮「痰輝智」演出「屈到輝智病了」，戴上短假髮的關嘉敏乸晒口面兼扁晒嘴，配上機械式僵硬舞步，模仿譚輝智在《中年好聲音2》演唱經典洗腦歌《屈到病》的舞步，結果神還原譚輝智，效果似足譚輝智的孖細佬，評審之一的錢嘉樂笑言除了高度，所有地方都與譚輝智似到十足，江美儀笑稱為了配合關嘉敏扮譚輝智，特意向化妝間同事借了「拉姑頭箍」！雖然今次關嘉敏的演出未有獲得任何獎項，不過在網上獲一致好評，有網民直指關嘉敏是「心目中的冠軍！」還有網民留言：「嗰種反差好正」 、「似到呢！我初頭以為是表演嘉賓，再望點解好似高咗先知真係其他人扮」、「我第一眼以為真係譚輝智」、「個表情真係好似，好好笑」、「近鏡睇啲鬚都畫得好似」、「唔講真係以為係佢」、「神級似，嚇一跳」、「繼王菲後又一勁似」、「關嘉敏唱到屈字好似吐痰咁先正，超出位，好好笑」、 「關嘉敏捉到輝智神韻、舞姿同埋表情，真係好精彩」 、「真心覺得關嘉敏越做越好」。
譚輝智：使唔使似到咁
其實譚輝智在IG時動態亦有轉發關嘉敏演出的片段並說：「使唔使似到咁LOL！」好兄弟顏米羔和劉威煌亦在「輕鬆啲」的社交頻道開直播，兩人自爆笑到「噴飯」，顏米羔：「正都不得了，食食吓飯都爭啲啃親，真係笑到爆，原來係關嘉敏扮，我都唔知。佢係咪打跛咗半邊身，如果唔係扮唔到輝智，佢嗰個神髓好似有半邊身斷咗，佢而家醫番好，想做番都唔似。係高咗，冇辦法，成件事係拉長咗，係真心似，我可以話你知，連當事人望到都嘩一聲。基本上音樂嘅節奏去緊，自己都有個節奏。」劉威煌還說：「其實要佩服，冇諗過係女仔扮，我幾鍾意佢啲神髓。」
關嘉敏模仿王菲勁似樣？
關嘉敏：冇諗過可以有第二名
對於網民洗版式留言，關嘉敏今日在IG撰文，她說：「福祿壽訓練學院比賽終於圓滿結束。多謝大家幫襯，你哋嘅留言同埋message我睇到，好開心帶到歡樂俾你哋同鍾意呢個偽譚輝智。我噚晚好enjoy個舞台，希望你哋都係。四個月前嘅心態都仲諗住係玩吓，都冇諗過入到十強，多謝老師李思捷，佢真係好XYZ勁 ！！！一日為師 終身為師！仲有王祖藍和阮兆祥，超級無私咁教我哋所有學員嘅嘢！仲有所有台前幕後工作人員監製導演等等等等。冇諗過自己可以有第二名，仲只係爭3分，我已經覺得贏咗！希望大家可以陪住我更多成就解鎖！」
其他文章：
福祿壽訓練學院丨陶大衛成雙料冠軍合約仍在洽談中 關嘉敏扮譚輝智最難學唔識跳舞
