![](https://media-proc.singtaousa.com/photo.php?s=https://media.singtaousa.com/wp-content/uploads/master/2024/07/2024070116235331672.jpg&f=jpeg&w=815&q=75)
堪輿學家麥玲玲帶領施焯日(Arthur)及蔡景行(行仔)主持的清談節目《玲玲友情報》,逢周六晚8點TVB Plus(82台)播映。前晚一集邀請了玲玲師傅好友農夫擔任嘉賓,3人一坐低即瘋狂互窒,原本玲玲師傅銳意擔任「狙擊手」,以尖銳問題殺到出名牙尖嘴利的農夫片甲不留,最終反過來成為兩位的夾擊對象!
![玲玲師傅好友農夫擔任嘉賓,3人一坐低即瘋狂互窒。 玲玲師傅好友農夫擔任嘉賓,3人一坐低即瘋狂互窒。](https://image.hkhl.hk/f/1024p0/0x0/ll/sthl/24495a200487f9b216815af03ebb38f7/2024-07/03_0_0.jpg)
![麥玲玲指控農夫是騙徒,指兩人經常要求她轉錢,但純粹搞笑的她講完那番話卻忍不住大笑。 麥玲玲指控農夫是騙徒,指兩人經常要求她轉錢,但純粹搞笑的她講完那番話卻忍不住大笑。](https://image.hkhl.hk/f/1024p0/0x0/ll/sthl/4ac9763ec7b1b694565beb620b3a92dc/2024-07/02_1.jpg)
![陸永大爆玲玲師傅與某位堪輿學家不和的傳聞。 陸永大爆玲玲師傅與某位堪輿學家不和的傳聞。](https://image.hkhl.hk/f/1024p0/0x0/ll/sthl/392b23ad3ef75c4c092d31092f0196f5/2024-07/24_0.jpg)
![C君當年任職J2創意總監時,找了蘇民峰師傅擔任J2風水節目主持,令玲玲師傅大呻偏心! C君當年任職J2創意總監時,找了蘇民峰師傅擔任J2風水節目主持,令玲玲師傅大呻偏心!](https://image.hkhl.hk/f/1024p0/0x0/ll/sthl/7cec2b39228de90af8d6f5166ae4e5f2/2024-07/20a.jpg)
玲玲師傅一開始便強烈指控農夫是騙徒,指二人經常有意無意要求她轉錢,雖然事後有全數歸還款項,但因農夫沒有支付利息,故深感被騙,純粹搞笑的她更忍不住大笑,令農夫好無奈。她再指控C君當年任職J2創意總監時經常玩失蹤,無視她的「搲撈」,找了蘇民峰師傅擔任J2風水節目主持,不過C君強調真正派檸檬者是玲玲師傅,笑言多次致電對方表示有愛情節目等她埋位時,她都以一句「我未返嚟香港喎」為由、以致合作未能成事。C君又細細聲向玲玲師傅隱名爆:「同埋我又唔係搵阿XX(做節目)」,玲玲聞言即激動謂:「咁又係,唔係我就絕交喇。」全程在旁食花生的陸永見狀即大玩「猜猜我是誰」:「有一位師傅佢(指玲玲)唔係好啱嘅,第一性別唔同,第二連個名都唔同。」
![農夫提及一件昔日「拜年」趣事,該事件更與蕭正楠扯上關係。 農夫提及一件昔日「拜年」趣事,該事件更與蕭正楠扯上關係。](https://image.hkhl.hk/f/1024p0/0x0/ll/sthl/32cb1a0dece75d25204deaef34d5f71b/2024-07/24_1.jpg)
![玲玲師傅自爆當初一早已睇好農夫,卻遭自家司機潑冷水,陸永即反擊引來全場爆笑。 玲玲師傅自爆當初一早已睇好農夫,卻遭自家司機潑冷水,陸永即反擊引來全場爆笑。](https://image.hkhl.hk/f/1024p0/0x0/ll/sthl/635c0e3364ae3ca7c1ecedc943aaaf87/2024-07/06_1.jpg)
此外,他們還提及一件昔日「拜年」趣事,該事件更與蕭正楠扯上關係,事緣被玲玲定位為「冷漠派」的C君,有一年主動提議到玲玲屋企拜年,玲玲師傅說:「有一年過年,佢(C君)係都話要嚟我屋企食飯,以為佢整蠱我,覺得你係唔會無端端話要拜年嘅。」C君聞言即說:「從此咪冇再拜過咯,拜一次年就講一世!去拜年啫,佢就諗住我哋梗係嚟拍嘢。」此時陸永再加一腳:「佢(玲玲)開門見到我哋冇cam man冇剩,失望到呢。」被輪流夾擊的玲玲師傅即提出兩大疑點力撐自己:「第一,係都要去我屋企食,第二,佢(C君)個人好ad hoc(意指即興),嗰次4日前問我攞地址,原來就因為蕭正楠!」
玲玲自家司機負評農夫外表
即將迎來25周年的農夫,席間大談當中大計,玲玲即問二人會否考慮改名。之後行仔天真地問農夫:「會唔會搞圍酒?」即時辣着C君,C君說:「你真係覺得我哋毫無音樂價值架喎!」之後眾人將話題扯至有傳聞指C君當年結婚獲玲玲師傅送上價值等同「首期」的人情,對此C君說:「唔知師傅喺邊度買樓,但佢畀我個人情真係做到首期嘅,如果喺明朝。」玲玲師傅又自爆當初一早已睇好農夫,卻遭自家司機潑冷水:「佢兩個好似核爆過後咁,你真係覺得佢哋會紅?」陸永即反擊:「你可唔可以出你司機嘅尊容,我想睇一睇!」