梁思浩、黃紫恩（Jojo）、黃耀英主持的TVB Plus靈異節目《直播靈接觸》，昨晚（25日）請來視后江美儀，和現識塔羅牌占卜師的前藝人、《通靈之王》第一季冠軍「裸泳」羅泳嫻做嘉賓。梁思浩與江美儀相識多年，梁思浩笑言第一次見到江美儀時以為她被鬼上身。
相關閱讀：直播靈接觸丨鄧兆尊三奶表演狐仙上身姣樣盡現？ 請神「現身」爆秘密靈力驚人
直播靈接觸丨江美儀胎記有特別意思？
梁思浩在節目中透露，事發時他與江美儀在清水灣製片廠拍劇：「以前友台拍劇係喺清水灣製片廠拍攝，化妝間同廁所都好陰森，當時我同陳煒拍緊另外一套劇，夜晚點幾鐘我入到化妝間，喺最尾嗰度見到有個人喊，我話唔係咁猛嘛？」之後梁思浩勇敢行近查看：「我行近啲睇，佢仲喺度抽搐喊緊，之後聽到有呼吸聲，即係係人嚟啦，之後佢擰個頭埋嚟，個妝又白又有啲燈打落去，我即刻嘩咗一聲！我出於關心問吓佢咩事，原來佢嗰時情緒麻麻，自此我哋成為咗朋友。」江美儀則笑言忘記了這件事。
江美儀不時有親友報夢
江美儀屬於靈異體質，不時有「朋友仔」會找她幫忙，她說：「都係報夢多，姑媽喺我幾歲時已經走咗，佢走咗冇幾耐，我發夢見到佢，佢同我講嗰邊生活係點。」江美儀透露已過世的爺爺和叔叔亦都有報夢找過她。
江美儀再透露一個靈異經歷：「我以前學畫畫，識咗個朋友C太太，佢因為丈夫過咗身，所以嚟學畫畫，識咗佢之後做咗好好朋友，有次去佢屋企食飯，先知佢先生原來走咗。」直到C太太的細仔結婚，江美儀竟發夢見到素未謀面的C先生，原來C先生想拜託江美儀做一件事，她說：「佢話有份禮物想送畀個仔，但佢話唔係畀結婚嗰個仔，而係大仔，之後我見到一道牆櫃有好多衫，下低擺咗個矮櫃，入面有一個雞同龍嘅筆，佢話想送畀個仔。」翌日睡醒後，江美儀即時打電話給 C太太告知這件事，C太太真的在床頭櫃找到一個雕有龍和雞的玉牌，之後將玉牌送給大仔，江美儀說：「之後我買花去拜C先生，同佢講番已經幫咗佢完成心願，夜晚瞓覺又見到C先生，佢同我講唔該晒。」
相關閱讀：直播靈接觸丨62歲鄧浩光久別幕前罕受訪消瘦幾個碼 與顏福偉相識半世紀傳同性緋聞
江美儀學佛與梁洛施成閨密？
江美儀前世死於二戰？
羅泳嫻以自己設計的塔羅牌測出江美儀的前世今生，羅泳嫻依牌直說：「你前世做過有錢人，做過幫窮人嘅人，亦都做過容易同人爭執嘅人，你對上一世有可能第二次世界大戰過身嘅人。」江美儀聞言即時點頭，原來有師傅講過同一番說話，江美儀再露出頸上的胎記，師傅說胎記位置便是江美儀前世受致命傷的地方。
羅泳嫻續說：「你二戰時捱餓都會犧牲自己去幫人，呢樣好加分，所以你今世生得靚同埋名成利就，你今世嘅任務係淡薄名利。因為你任務係淡薄名利，所以（個天）更加畀你，你而家隨住年齡增長，你會越追求平和嘅感覺，但係工作就咁追住嚟畀你，所以你唔使擔心冇嘢做！」其中一張牌是「歡慶牌」，該牌與修行念經有關，事有湊巧原來江美儀正在修行地藏經，羅泳嫻說：「你越修行智慧就越高，所以好多靈體會搵你幫手，因為佢哋唔知點做，搵你靈體有一種特點，就係比較執着唔識走。」
其他文章：
52歲江美儀冧爆拖實《中年好聲音2》猛人表情嬌羞 與吳君祥離婚8年保持單身
梁洛施上山執垃圾！素顏皮膚白滑緊緻 與52歲視后因一事成閨密齊做義工
