男人說到底都係鍾意後生女， 特別係有啲才氣嘅創作人 。「導演一號」食女無數 ，佢又做過男主角，高大靚仔 ，後生仲同影后靚女拍過拖，最後同自己嘅助手搞埋一齊，男人好實際，幫到手咪ok囉，最後助手被飛， 因為「一號」同位大陸女生咗個仔，助手最後係對方領埋結婚證至知道， 而呢位所謂小三比佢細30年，自己退場就一定啦！
相關閱讀：星8卦丨「高妹」扮鍾意女人呃「小姐」好食好住唔捨得分手
「導演二號」又點呢？比「一號」更藝術家，全靠一直做自己製片嘅「老婆」幫佢搵資金，成就「二號」嘅理想，咁又係嘅，佢部部戲都叫好叫座，「二號」份人係唔理人情世故，嗰種出街唔帶身份證，唔拎錢同信用嘅人，過嘅神仙生活，大家以為「老婆」呢世都要喺佢身邊，一定走唔甩。
點知最近兩個人真係搞緊離婚 ，原來「二號」突然之間醒咗話想要小朋友，「老婆」同你拼搏幾十年點仲會有得生，於是「二號」喺返大陸做嘢嗰陣，事業唔多稱意時，有啲妹妹逼埋身，好快搞埋有咗，結果「二號」返香港就話想生仔，鋪條路就係想「老婆」彈開，而「老婆」都係一個有知識嘅女人，明知你想點，於是默默入紙單方面申請離婚。雖然有人唔認同「老婆」咁快認輸，但同後生女爭無乜好處，情願瀟灑啲，反正「二號」啲錢咁多年都係自己戶口，亦無證明要分畀佢，及早行開過自己生活，唔再做阿四至係愛自己嘅行為！
其他文章：
星8卦丨「禿頭」樣醜但識氹女「長面」唔夠「妹妹」爭輸得好失禮
星8卦｜「清秀」痴戀「導演」被趕出門口 錯愛「偽君子」被騙身家
星8卦｜「高瘦」被阿媽逼嫁入豪門 奶奶自出自入無私隱搞到情緒病
星8卦｜「霸姐」食盡小鮮肉想定落嚟 招惹「扮嘢」痴戀唔敢落疊
——————————–
緊貼最新最快新聞資訊，請立即下載星島頭條App：https://bit.ly/3Q29Vow
