44歲歐倩怡（Cindy）上月突然宣布與59歲郭晉安結束18年的婚姻。回復單身的歐倩怡日前終開腔首談離婚的原因，原來是因為2019年的一場大病，令她改變了人生觀，決定做自己想做的事。不過歐倩怡分享患病經過，提到「隔籬嗰個」照顧她的方式，在網上造成不少迴響，有人狠批郭晉安見死不救，亦有人覺得歐倩怡表現「忘本」，對於網民的反應，歐倩怡亦有回覆。
相關閱讀：歐倩怡曾大病險死！前夫郭晉安「照顧」方式震驚主持 暈咗都唔送入院：醒返喺個痰罐度
歐倩怡親回網民留言：
歐倩怡（Cindy）日前接受蝦頭和連詩雅主持的YouTube節目《絲打圍爐》的訪問，在節目中因為40歲的一個經歷，令她明白到生命很脆弱，因此應及時行樂，做自己想做的事。歐倩怡稱在2019年12月曾患重感冒，反覆發燒睇三次醫生仍未痊癒，有一晚在睡夢中，凌晨時分突然感到由左手中指像觸電般流通全身，而且無法呼吸，當時歐倩怡向郭晉安求助：「我話我唞唔到氣，幾乎講唔到嘢，跟住佢話『咪玩啦，瞓覺』。」其後郭晉安見到情況「唔對路」，歐倩怡說：「開始起身Google睇吓係咪call白車，跟住搵到個片糖沖熱水畀我飲。佢已經驚我嘔，喺床上拎住個痰罐，（片糖水）我飲咗少少，其實嗰一刻我已經去到失禁，我覺得自己應該唔得㗎喇。」
相關閱讀：歐倩怡首談與郭晉安離婚原因？玩交友App與六男約會 自覺讀太多書反而蝕底：嚇親人
歐倩怡訪問節目播出竟關閉留言功能
訪問播出後，因節目罕有地關閉留言功能，於是有網民湧到歐倩怡的個人社交平台留言，有人覺得歐倩怡：「忘本。。。學費何來？」她大方回應：「係呀，我有好好多謝佢。感情事係咁，無得計嘅。大家依然係屋企人。多謝你支持啊。」不過亦有人撐歐倩怡：「佢都有多謝佢，幾時有講過只係靠自己努力？一陣佢講郭生又畀人話消費郭先生。點都係畀人鬧，唔通又要郭生岀不斷喺公開場合多謝歐倩怡幫佢生仔照顧屋企，啲嘢又冇人講過嘅，淨係不斷放大郭生啲錢，佢名下嘅物業都冇一個係歐倩怡個名啦，股票又轉走晒，一個女人而家靠自己出嚟打工，畀心機讀書又要俾你哋Ｘ既！」
網民對歐倩怡訪問內容意見不一
後來又有網民評論說：「睇完之後， 唔明點解你半夜呼吸唔到，身邊嗰個唔報警，仲有時間上 Google！Anyway，恭喜你展開新生活，努力。」、「你暈咗後，當時嘅另一半有無扶你起身，點解會仲係個痰灌度until第二朝？」歐倩怡亦有回覆：「佢當時係驚，唔知發生咩事。」接着歐倩怡亦再補充：「我真係斷片式暈咗，發生咩事都唔知。」不過亦有人直斥：「人哋郭晉安一句聲都冇出，你就咁多野講，向前看啦！」歐倩怡亦大方地說：「係！thanks。」
相關閱讀：郭晉安歐倩怡離婚丨回復單身後首露面未除婚戒？強調冇第三者 傳避分身家：一早溝通好
郭晉安與歐倩怡昔日甜蜜時光：
歐倩怡自覺讀太多書反而蝕底
歐倩怡在2006年結婚後已淡出娛樂圈，專心相夫教子，不過多年來不斷進修，除了成為碩士外，亦考獲不少牌照，不過在訪問上歐倩怡自覺讀太多書反而蝕底，殊不知又被網民批評：「咁嘅學歴叫勁得滯，真係笑大人個口，fyy讀埋碩士都未講得出呢番說話。」而歐倩怡回應：「 多謝提醒，其實我都知我好渣㗎咋，好多嘢都唔識，同無記性。嗰個純粹係節目效果。學海無涯啊！」有網民問她有否再玩交友app，歐倩怡坦言：「入面好多壞人同假 account， 要小心。同埋我好奇，玩咗一個月，覺得悶，又無玩啦！」
相關閱讀：郭晉安歐倩怡離婚丨結束夫妻關係有跡可尋？2021年後甚少合體 郭晉安被捕獲獨自湊女
有網民感激歐倩怡放過郭晉安
不過依然有網民表示不滿：「睇返志雲飯局，原來你3個月就去安仔度同居，離婚唔知有冇3個月就玩交友app，仲喺度講自己前夫點衰點衰！」歐倩怡表示：「都兩年啦～～ 同埋搵人傾下偈唓，無做壞事。我而家都同你傾偈啦。」接着又有人留言：「多謝你放過郭晉安，地球又多一個筍盤。」歐倩怡則回覆：「係呀，佢好好的！」甚至有人說：「真係戥郭晉安慘！！你真係太over了。」歐倩怡亦說：「 beli bala 作風只限鏡頭前。」
其他文章：
59歲郭晉安有兩名神秘女子相伴遊深圳？離婚後極速回春 網民激讚似35歲
郭晉安離婚後罕談子女近況！大仔吹法國號達演奏級赴英升學 細女是舞蹈高手
郭晉安歐倩怡宣布離婚！當年無懼年差15載結婚 分居兩年：這個決定是無奈及艱難
郭晉安與歐倩怡離婚後近況曝光！請假陪子赴英升學 2年前將草姬股份予胞姐惹揣測
——————————-
由即日起至6月20日，只要參加「市民對特區政府滿意度調查」問卷，即有機會贏取Panasonic護髮風筒、Casetify充電器、大家樂$50餐飲券等豐富禮品。即點擊https://bit.ly/4csd4qL
緊貼最新最快新聞資訊，請立即下載星島頭條App：https://bit.ly/3Q29Vow
