擁40吋巨肌、曾經是2021年樂壇新人力臻（黃力臻）當年加入樂壇後，由全職中學數學老師轉為兼職教師，前日力臻（26日）推出新歌《跳跳虎》，想不到同日竟然接獲任教的學校通知將不被續約：「最後不獲續約，決定做番自己，唔再繼續我打扮似唔似老師呢個系列了，由今日開始係倒數我仲係老師呢個系列，倒數45天！」
相關閱讀：Tyson Yoshi名車印粗口被小學生圍觀狂笑 老師親自回覆邀請做一事
40吋巨胸歌手不被學校續約？
力臻身兼老師和歌手兩職
身兼歌手和老師兩職的力臻，日前已經社交平台大吐苦口，坦言因為這兩個身份，發生了很多委屈事：「第一，一嚟帳號好難private，公開畀學生畀人批評我師生關係不恰當，由於我跟唔到個logic，所以我可以不理會。第二，開名同學生評論我嘅外表打扮，話我不似教師，就正如教導學生對人要評頭品足。但我自問恰當，呢一切都話我知教育行業未必需要我，但我都唔甘願突然少咗一個舞台，因為向來課室嘅每堂都係一個表演，本著表演者精神，我會繼續尋找屬於我嘅舞台，打呢段字嘅過程盛載著我幾多委屈嘅眼淚，呢2個身份背負著嘅壓力，我承受咗4年，因為牛唔飲水唔撳得牛頭低，但不代表你哋嘅想法先係正確，我希望我嘅教學，係遠超於學校之內。」
事隔多日，力臻出po表示自己不獲續約並說︰「最後不獲續約，決定做番自己，唔再繼續我打扮似唔似老師呢個系列了，由今日開始係倒數我仲係老師呢個系列，倒數45天。」消化一日之後，力臻再度出po：「發覺最失落莫過於失去同學生相處嘅空間aka課室，儘管呢幾年承受幾多同事間嘅揶揄，對我平常外表上嘅質疑，以至到歌手身份對學生嘅不良影響。為咗可以繼續以教數學同學生分享生命哲學，我每日都同自己講頂住。」
力臻繼續尋找可以容納教學空間
力臻續說：「當得知我嘅Part-time 教席真的不獲續約後，要面對嘅係再沒有課室成為我其中嘅一個舞台。過往每日如是完成教學工作再到課後做音樂，可能真係未能滿足校內各人期望，未能做到一個完美稱職的老師。為此，我都要好好反省，但我會繼續不停尋找可以容納我教學嘅空間，因為除咗好鐘意做音樂，我都真係好鍾意教書。」
對於力臻今次不被續約，有網民感到難過，認為學校理應請他當埋音樂老師，相信他會找到一個容納到他的教學地方，還有人說：「一切都係最好嘅安排。」、「可能係有另一個教學嘅舞台等緊你，所以呢個舞台先被安排放下！！」、「香港人思想太守舊，其實教學能力同形象無關係…識教書，做到嘢咪得。」、「你已經做得好好了，遇到有啟發性嘅老師真係可遇不可求，我諗你教導過嘅學生都一定會感受到！繼續加油，希望你可以搵到最舒適嘅狀態去做你喜歡做嘅事。」
其他文章：
愛回家丨接龍IT部「CPU」譚坤倫宣布離開TVB 試過長時間冇工開 曾在少林寺學武兼獲武術比賽亞軍
「熊心如」蘇韻姿突遭TVB官網除名宣布正式離巢 去年傳犯三宗罪被雪「回家」無期
——————————
《星島申訴王》推出全新項目「我要讚佢」欄目，現誠邀市民投稿讚揚身邊好人好事，共建更有愛社區。立即「我要讚佢」︰https://bit.ly/3uJ3yyF
想睇更多精彩內容，請立即瀏覽「區區有申訴」活動專頁，https://bit.ly/41hgS9E
緊貼最新最快新聞資訊，請立即下載星島頭條App：https://bit.ly/3Q29Vow
