成套戲由演員到導演均是編劇出身，嘔心瀝血寫出編劇的苦，拍出做編劇的殘酷真相，睇完應該會令想入行的人轉軚，已經身處編劇深淵的會好有共鳴，唔關事的如我覺得好好笑，幽默但唔作狀亦有好意思。世界好荒謬，人生唔一定要活得好有意義，沒有成長也是一種成長，做自己就好。(已上映) 撰文:廖思慧
「神作」獲電影公司賞識，以為有運行，兩位編劇好興奮。
電影屬於典型國產黑色喜劇，兩個年輕編劇自以為寫出一個絕世好劇本《七秒人》，離鄉別井到北京搵機會，不斷自薦後終獲賞識，但要改呢樣改嗰樣，兩人從熱到穿背心短褲到屋外漫天風雪，改劇本改足一年，直至劇本改至面目全非，主角更由一個人變成一隻狗，睇到心好酸。
劇本改完又改，兩人又理解變百思不得其解。
(右) 張了一(宋木子飾)及孫談(合文俊飾)改劇本改足一年，心灰意冷。
去到北京，兩人即去電影人最愛去嘅地方打躉搵機會。
大家都加油
電影對影視行業及抖音揶揄得好徹底，有啲嘢破壞咗就好難救得返。戲中戲講解荷里活最負盛名的編劇經典書籍，屬編劇入門必讀的《救貓咪》非常過癮，原來有啲咁嘅嘢。因為元素太豐富又有創意，好難相信是兩位導演的處女作。編劇人拍編劇故事，同時令搞創作的人產生共鳴，不停在絕望的縫隙隱見希望，大喊完向前爬行，笑中有啲淚。
男角友情圈，年輕人嘅友情都唔係太經得起考驗。
因為導演Nolan，張了一跟周可可(李文茹飾)一見鍾情。
張了一跟女友以及孫談同居，事業唔如意絕對影響居住氣氛。
全片最有印象電影公司製片要求兩位編劇L，要將愛情故事寫得跌宕啲，起伏啲，要有頭有尾，最好估佢唔到，觀眾先會投入，先會覺得編劇有做嘢，票房先會好。Well，認同編劇L的最後咆哮，不管人生還是劇本，不是所有情感都需要鋪墊，一見鍾情就是一見鍾情，亦不是所有人都需要成長，自己開心就好。
因為製片希望劇本加入真實元素，兩位編劇要去做外賣仔。
兩位製片對劇本諸多挑剔，又要咁又要咁，主角更由人變成狗。
《星島申訴王》推出全新項目「我要讚佢」欄目，現誠邀市民投稿讚揚身邊好人好事，共建更有愛社區。立即「我要讚佢」︰https://bit.ly/3uJ3yyF
想睇更多精彩內容，請立即瀏覽「區區有申訴」活動專頁，https://bit.ly/41hgS9E
緊貼最新最快新聞資訊，請立即下載星島頭條App：https://bit.ly/3Q29Vow
