大家越嚟越頂「假人」唔順，為咗做管理層，完全唔合邏輯咁亂作新聞，相關人士都怕鬼咗佢。好似為咗做官，自己係咁拉票，外面啲人邊知咁多嘢呀，誤打誤撞畀佢入到去，但有無貢獻？梗係無啦，佢只係貪名氣，鞏固自己地位，唔係真心做嘢。
好似早排係咁埋「衰婆」身邊，送晒大禮話好想幫到佢手，然後就搵人放風話同呢個部門有合作，有關方面會開個部門畀佢打理。實情梗係無啦，呢個人不學無術，字都唔識多隻，邊有本事去出人頭地呀。佢無嘢叻，最叻係同人合照，搞埋啲錯摸，最無佢符係「假人」咁多年都養住一班打手，就算係乜都唔做嘅時候，佢依然照出糧，話養兵千日喎，所以喺佢呢排大舉出擊嘅時候，可以日日見報係因為做足晒部署。
佢夠膽同某某打個招呼，喺街邊影張相就大做文章，當然佢唔係係人都影嘅，你無地位無光環，佢係連招呼都唔打，覺得嘥彈藥嘛。「假人」最想係返大機構，今日借住細公司做踏腳石，可惜幫到佢嘅班底都走得七七八八，要達成心願睇怕等多十年八載至有機會囉！
相關文章：
星8卦｜「純純」嫁入豪門以為執到 「少爺」出軌收厚禮另類贏家
星8卦｜「男主角」爆紅有先見之明 娶「女主角」開公司肥水不流別人田
《星島申訴王》已推出全新項目「區區有申訴」，並增設「我要讚佢」欄目，現誠邀市民投稿讚揚身邊好人好事，共建更有愛社區。立即「我要讚佢」︰ https://bit.ly/3uJ3yyF
想睇更多精彩內容，請立即瀏覽「區區有申訴」活動專頁，https://bit.ly/41hgS9E
