TVB台慶劇《新聞女王》昨晚（8日）播出第15集，開場就回帶，講到「徐曉薇」何依婷見工的情況，初見佘詩曼就因跌藥樽自爆有抑鬱症。劇情亦透露了何依婷報假學歷，原來是由「Man姐文慧心」佘詩曼指示。《新聞女王》中佘詩曼是何依婷師傅，原來現實中佘詩曼亦算得上何依婷戲劇上的半個師傅，事關就連跌藥樽如此細微的演繹，短短半秒的戲份，佘詩曼都仔細教何依婷演。
【相關閱讀】：新聞女王丨大結局劇情率先爆！佘詩曼黃宗澤合照掀討論 角色曝光疑留尾開續集
【點擊睇佘詩曼入行26年心路歷程】：
早前佘詩曼、何依婷與李施嬅一同做訪問，佘詩曼因一句玩笑話，笑指何依婷真人與劇中角色相似，惹來不和傳言。佘詩曼更揶揄早前宣布結婚的何依婷沒有派喜帖給她，再令不和傳言升級。但其實佘詩曼在拍攝《新聞女王》時，由於何依婷與她有大量對手戲，因此教何依婷演戲時份外仔細，提點了何依婷不少技巧性問題。
佘詩曼讚何依婷一點就明
譬如今集《新聞女王》開場，何依婷跌藥樽一個動作，原來都經佘詩曼提點，佘詩曼早前受訪曾分享直言何依婷演技仍有待進步，不過勝在聰明而且領悟性高。佘詩曼以跌藥樽這場戲為例，佘詩曼指：「往往新人就會專注點去掉藥樽，好似玩遊戲咁掉去我腳邊，但忽略演戲緊要過藥樽，就要同佢講唔好有壓力。講完之後第3日佢話明白，都算學得好快，佢話冇人話過佢知點做。咁我話下次就輪到佢話畀人知，一直傳承落去。」佘詩曼指剛開拍時，何依婷可能未認真摸索到角色，因而有點緊張，作為有經驗的演員，她自覺有義務提醒身邊所有人，提議如何做會更好。
【點擊率先逐格睇《新聞女王》大結局】：
佘詩曼慶幸有陳錦鴻無私教學
佘詩曼1997年當選香港小姐季軍後，不久就得到拍劇機會，首部劇集是黃日華、陳法蓉主演的《生命有TAKE 2》，當時根本不懂演戲。但佘詩曼勝在有觀眾緣，觀眾亦似乎很包容她青澀的演技，1999年佘詩曼經試鏡後被監製李添勝選中出演武俠劇《雪山飛狐》中女主角苗若蘭，佘詩曼亦因此劇遇上第一位肯教她演戲的前輩、亦即是拍檔陳錦鴻。陳錦鴻曾就讀香港演藝學院，佘詩曼曾於《志雲飯局》分享陳錦鴻教戲好仔細，亦好肯教：「佢對於演戲好多理論，佢不斷將佢學咗嘅嘢灌輸畀我囉！佢都幾關鍵，佢令我對演戲產生興趣。我記得我問佢，你咁樣成日拍戲，咪好易鍾意咗個對手囉？但如果唔擺真感情，又唔好睇……又唔投入喎！咁點樣可以抽返個身出嚟？佢就話『我就咁嘅，譬如同你合作，我會諗你5個優點，5個缺點，即係拍就諗你啲優點，到放工就諗啲缺點』。」
楚原教另類方法克服「雞仔聲」
佘詩曼雖然出道時被指演技差，又因沒有自信，講對白太細聲，被外界批評「雞仔聲」。佘詩曼曾接受《娛樂三兄弟》訪問，分享被批評「雞仔聲」後大受打擊，曾認為聲音是天生，而感到委屈。但佘詩曼勝在肯問肯學，她曾向導演楚原請教，但楚原竟提出另類方法助佘詩曼克服「雞仔聲」，佘詩曼說：「佢叫我『你喺屋企大聲講粗口啦』，我話『點講呀，人哋隔離屋聽到點算』，咁佢話『你拎份報紙嚟讀啦，日日讀半個鐘，大聲讀』。讀咗半年左右啦，咁就開咗把聲。」直到《十月初五的月光》，佘詩曼演技才得到讚賞，一改「戲屎」形象，2004年播出的《金枝慾孽》的「董佳•爾淳」，更成為她另一的代表作。
【點擊睇6位明星揭佘詩曼真面目】：
佘詩曼見新人如見昔日自己
佘詩曼一路走來得過很多前輩教導，如今回TVB拍劇見到很多新一代演員，她曾直言如看到昔日的自己。見到他們一日17、8小時都在拍攝，想到昔日為趕劇5天不睡覺的自己，因此對後輩非常好。於《新聞女王》中何依婷與佘詩曼好多對手戲，何依婷都曾表示向佘詩曼請教過演戲心得：「我記得有一次我問佢點演繹喊戲，因為佢演喊戲非常出色，佢都有分享自己嘅技巧同點準備自己心情嚟拍呢場戲。」
【點擊睇佘詩曼主播Look衣着首飾品牌】：
