有網民在昨日（26日）財政預算案公布當日，撞正一名「超狂長車短搭」的伯伯掀起熱議，伯伯去「左近」棄搭$2.5輕鐵，坐$24過海隧巴，樓主憂慮：「啲錢到底去咗邊？……呢啲優惠實際上係幾誇張？……即使將有新做法，亦未必能解決長車短搭嘅問題。」
樓主強調「完全冇批鬥成份……只係陳述緊社會上係有一班人，用緊最貴嘅價錢，搭最短程嘅車。」樓主拍下了當時的情況如下：
財政預算案日遇「超狂長車短搭」掀熱議 伯伯去左近棄$2.5輕鐵坐$24過海隧巴 網民：新做法可解決問題？↓↓↓↓
財政預算案2025宣布將「2元乘車優惠」改為「兩蚊兩折」優惠，價低於或等於10元，維持繳付2元車費；票價高於10元則繳付全額的兩折。
有網民昨日（26日）在社交平台以「啲錢到底去咗邊？」發布影片，樓主遇到一名「幾跨張」的長車短搭長者。他表示：「今日香港公布咗最新嘅財政預算案，當中最令人關注嘅，就係長者乘車優惠嘅問題。你有冇諗過，呢啲優惠實際上係幾誇張？」
他遇到的這名長者，在屯門山景邨搭巴士去屯門市中心，「根據Google Maps，呢段路程只係2公里」。樓主指，這名長者選擇搭乘過海隧巴961線，由山景去屯門市中心，「佢揀咗搭九巴961，單程車費竟然係$24，而大家幫佢支付咗其中嘅$10（長者半價車資$12，扣除$2元，政府補貼$10）。呢個只係一個人嘅車費……」
樓主指出，其實該巴士站附近就有輕鐵站，「喺山景巴士總站200米內，就有個輕鐵站，而輕鐵只需$2.5（特惠車票）就可以無需轉車直達屯門市中心。」樓主憂慮財政預算案提出「兩蚊兩折」，是否能杜絶「長車短搭」：「即使即將有新做法，亦未必能解決長車短搭嘅問題。」
「兩蚊兩折」正價定半價計？長者「半價」再兩折？答案揭盅計法係咁：↓↓↓↓
樓主又重申發帖「完全冇批鬥成份，亦都冇任何偏見，亦冇提出要取消長者優惠，只係陳述緊社會上係有一班人用緊最貴嘅價錢搭最短程嘅車，同埋有個空間俾大家放低自己嘅睇法」。
網民：點解長者福利要有咁多限制？
帖文引發熱烈迴響，反應兩極，部分網民認為不應針對長者：「點解長者福利要有咁多限制？佢貢獻咗大半生，連啲福利都冇仲要比你地限制生活自由。」「點解要成日針對老人家嗰兩蚊，老人乘車優惠實施左咁多年，只係用左百零億，其實d議員都講左就算cut，對於財赤幫助亦不大。反而公務員薪酬先係最大嚿，d人淨係會攞弱勢社群嚟轟。」
對於樓主拍到的長者選巴士而不搭輕鐵，有網民呼籲體諒：「有冇諗過，200米對一個老人家，會係辛苦嘅？」「因為過海巴士車密，唔使等半個鐘先有下一班。」
網民：元朗更誇張 慳到錢用係醫療仲幫到老人家
不過，有網民則表示亦遇過跨張的長車短搭：「元朗更誇張968車費$27，每日大批長者由元朗西總站上車，去下一站開心廣場落，講緊比輕鐵一個站更短的路程，真係睇到都心酸。」
「話針對老人家嗰啲，有冇諗過個問題係出於短途但搭左長途車，唔過海但搭過海車，多左嗰幾十蚊係納稅人畀緊錢，留返呢舊錢用係醫療方面，係咪仲幫到老人家同社會大眾？我唔覺得益左巴士公司之後會回饋大眾囉，啲車費係咁加都冇減。」
相關新聞：
2元乘車優惠︱「兩蚊兩折」正價定半價計？長者「半價」再兩折？答案揭盅計法係咁｜Juicy叮
2元乘車優惠｜每月限搭240程 $10以上改兩折 「公共交通費補貼」門檻6月提高至$500
2元乘車優惠｜消息：每月限搭240次、非每日計算次數 10元以上票價改兩折計 維持60歲優惠門檻
2元乘車優惠｜擬改為每月限搭240次 張欣宇：只影響極少數人 管浩鳴稱寬鬆
2元乘車優惠｜10元以上兩折計 長者跨區搭車畀幾多錢？ 一條巴士線貴近5倍
2元乘車優惠︱擬10元以上車費改兩折 七旬翁批對新界人不公 長者：公務員唔帶頭減薪？
同場加映：屯門巴士司機停車高速公路開咪鬧乘客 不滿大聲傾偈：「繼續講啊！我大把時間！」：↓↓↓↓
