薛家燕今天（14日）與網上頻道「小薯茄」的程人富、吳冰出席銀行活動。家燕姐表示，開心首次與程人富及阿冰合作，更讚程人富係偶像樣，阿冰又靚女。一向好幸運的家燕姐在活動中扭蛋，並抽到大獎，特別驚喜。
薛家燕交出「冷笑話」
家燕姐大讚「小薯茄」，對他們印象很好，是非常好的拍擋，「離遠見到我就叫咗我先，令我好舒服，我應承你哋去完多倫多、吉隆坡，可以去拍「雪櫃冷笑話」，宜家先交出一個冷笑話，雖然我姓sit，但係我鍾意stand。」阿冰表示，細個睇住家燕媽媽大，毎日都睇《皆大歡喜》。家燕姐最近拍王梓軒開拍的英文劇，她說：「我第一次拍英文網劇，第一次同鍾麗緹女兒合作，齣劇係英文對白，我飾演做校監，故事講我俾人恐嚇，人生第一次講粗口，仲要英文粗口，全場外國工作人員嘩然，梓軒叫我試吓講粗口，代表唔怕黑幫，工作人員諗唔到我會講粗口，好震撼，仲要拍咗兩take，講咗兩次粗口。」
家燕姐與「小薯茄」的程人富、吳冰出席活動。
家燕姐在活動中扭蛋。
薛家燕、程人富、吳冰扭蛋扭得好開心！
好幸運的家燕姐抽中大獎！
家燕姐又大讚「小薯茄」，對他們印象很好！
家燕姐更答應會上「雪櫃冷笑話」！
家燕姐指在活動開始時，離遠見到程人富、吳冰向自己打招呼，令她感到好舒服！
程人富透露明年3月將與蝦頭合作舞台劇。
程人富明年與蝦頭合作舞台劇
此外，程人富計劃明年年尾結婚，正忙於自己籌備婚禮，因為女朋友身在加拿大忙其他工作，他笑言：「到時入場中間可以擺酒席，側邊可以俾fans嚟睇佢哋偶像嚟飲，當頒獎禮咁搞賺錢。」家燕姐對程人富說：「你就嚟結婚，俾啲意見，酒席要搵好地方，年尾擺酒時間好緊張，要搵啲好優惠，嚟緊我會去多倫多，搵你個未婚妻，到時幫你傳話。」程人富又透露，明年3月頭會與蝦頭前輩合作舞台劇，心情非常期待，會邀請家燕姐到時出席觀賞。
