投注賽馬，非馬迷一定以為贏是最大樂趣，係唔係？對小弟來講——唔係！當然，我也想贏。
其實不少馬迷參與，乃在尋求一種莫名的爆炸性興奮感覺，通常來自苦刨相中的馬，轉入直路時鬥志驚人，騎師也一步不放棄，死頂死騎到尾。當中最後的一百米，正是馬迷進入瘋狂狀態的十秒，只有局內人才知其神仙級的享受。所以，論快感排位，是先嗌，後中，至於贏幾錢，已屬第三。
不過，上述的興奮感，必須是有對手情況下才出現，否則，若是「老奉」（旨）拋離贏，咁就冇乜癮了。呢呢，剛剛的香港國際大賽，正是如此，三隻港隊代表「嘉應高昇」、「遨遊氣泡」及「浪漫勇士」，根本超晒班，未到最後一百米已知贏硬，仲邊有得嗌。
買 以上三隻，W出半點興奮都冇，派彩蚊滋咁奀，笑唔出。
當日小弟有場 過 雞，因畀人「打劫搶錢」。話說當日福至心靈，刨中一隻冷馬「加州動員」，早上賠率二十四倍，內心暗喜，因若跑出，發達！若如此，就真係嗌、中、贏三味全部有齊，真有《說不出的快活》（經典金曲）。
結果，入閘前可以偷笑，因企硬十九倍，似乎冇乜人知佢大超班，加上排十二檔，真係火燒都唔會熱。
鐘聲一響，閘門打開，熒幕冇再顯示賠率，一如所料，隻 勁到飛起，最後一百米逢馬過馬，輕鬆勝出，我當然大大聲揮拳嗌Yes！
可惜跟住一睇，粗口都出埋，原來開閘前不知何來神秘勢力，由十九倍打到落四倍！
怎不喊到收唔到聲？
痛苦事要立即忘記，改而投入今晚的快樂。一於全捧法國仔貝知仁——「同寶寶」、「前風」、「樂加福」、「躡景追飛」、「傳承者」、「綠色好威」及「新幹線」，隻隻十蚊WP等佢爆！
