大勢，絕不會跟你的意志轉移。
例如香港人， 樓者，近兩年唔慌開心，因睇住個樓市係咁 。尤其一心以為減息期開始，樓市應該有起色，甚至止跌回升大反彈。有冇呢？你話呢？
原因甚多，包括內地經濟疲不能興，冇水南下炒樓；香港的有錢佬，也因財富效應失利，個個身家大縮水。兼且地價樓價大跌，火燒連環船，令大集團個個失晒預算，連投地都冇錢。
現實情況，天文數字財富蒸發。銀行一睇可能出現的壞帳，當然要「潮州音樂」，自己顧自己之下，第一唔放貸，第二即追債Call Loan，正是蠟燭兩頭燒，點掂？
昨天晚飯，在座有退休高官、名醫及地產代理高層。其中退休高官肥B生活最穩定，月月出長糧，加早年理財有道，經常 住三兩千萬元流動現金吼機會掃貨，包括藍籌股及各式物業。佢老哥好忍得手，直至最近，發覺心儀地區的二手單位，經已跌破心中的入貨價，於是問在座代理界名人D姐：「D姐，我睇中個單位，開價1500萬元， XX區XX道，中高層，已由高位跌 三成，想還價，應該點還？」
D姐：「老老實實，以下說話，打死我都唔會公開講，因太Anti-Social也。整個香港房地產界，嚴重缺水，不少老牌大集團也乾塘。如今無數業主及投資者被綁，必須搵方法套現甩身，否則分分鐘在 市汪洋中失救。所以，極多心急盤在市場放售。市場無情講，你是投資者，當然追求最平入貨價！」
D姐指示——還價有咁狠得咁狠，放心冷血勁劈，分分鐘劈出彩虹，出現難以想像筍價。
劈幾多？三成起碼，一半也無妨，反正個市仍在下滑中，有放過冇殺錯。
