獨家丨七師傅預測MIRROR進軍海外奉勸咪拍拖 過億獨立屋新居任睇常為軒公誦經

玄學家七師傅(七仙羽)於去年疫市下仍賺到盆滿缽滿,要交過百萬稅。踏入兔年,七師傅在其市值過億的5千呎西貢獨立屋新居,祝《頭條日報》讀者身體健康、財源廣進,繼而再向讀者教路,兔年樓市及股市投資方向,又指MIRROR會Keep住紅,更大膽預測七子有機會到海外發展,奉勸他們要把握衝線機會,勿浪費時間近女色:「dry幾年,唔好拍拖。」採訪:方騫平 攝影:羅安強

七師傅同荷蘭籍男友Gerald及可愛布偶貓祝大家喺兔年兔氣揚眉、一團和氣。
七師傅同荷蘭籍男友Gerald及可愛布偶貓祝大家喺兔年兔氣揚眉、一團和氣。

 

MIRROR今年會Keep住紅,仲有機會衝出香港去海外發展。
MIRROR今年會Keep住紅,仲有機會衝出香港去海外發展。

 

去年七師傅大豐收,除拍咗多個廣告,仲拍埋電影及開唱笑會,有好多新嘗試。而身家「億億聲」的七師傅最近更搬進市值逾億的西貢獨立屋,面積5千呎,包括露台共4層,有6房及花園,全屋背山面海,對正西貢海,屋內傢俬由英國設計師設計,住得超豪。

客廳近玻璃門有貴妃凳,望住無敵海景令人心曠神怡。
客廳近玻璃門有貴妃凳,望住無敵海景令人心曠神怡。

 

飯廳有壁爐,由英國名設計師設計。
飯廳有壁爐,由英國名設計師設計。

 

獨立屋樓高4層,連天台及花園,全屋對出望西貢海,係有背山面海風水屋。
獨立屋樓高4層,連天台及花園,全屋對出望西貢海,係有背山面海風水屋。

 

大宅全屋採用白色tone,內裏的裝飾簡約,不過亦有不少色彩繽紛的傢俬作為點綴。
大宅全屋採用白色tone,內裏的裝飾簡約,不過亦有不少色彩繽紛的傢俬作為點綴。

 

七師傅搬入的西貢獨立屋樓底有六米高,客廳可擺放兩張大梳化,對出則是花園。
七師傅搬入的西貢獨立屋樓底有六米高,客廳可擺放兩張大梳化,對出則是花園。

 

飯廳水晶吊燈好有氣派,由於樓底太高,每次要搭棚先換到燈泡及清潔,好大陣仗。
飯廳水晶吊燈好有氣派,由於樓底太高,每次要搭棚先換到燈泡及清潔,好大陣仗。

 

入九運前後樓市波動

生財有道的七師傅除了香港,於英國、意大利等地持有超過10個物業,全部均趁低吸納,不會高追,其中家人於2003年沙士時用175萬買入跑馬地一個住宅單位,目前升幅多倍。不過,七師傅指2024年進入九運,轉運前後一年樓市波動較大,會下調20%以上,故不睇好樓市,奉勸大家要小心投資,要移民賣樓的要盡快打算:「尤其經濟唔穩定狀況下,打工仔飯碗都難保,所以要做啲穩陣嘢,買樓要睇餸食飯。」她建議有能力置業人士,不妨去心儀區域小住一排了解環境,因為每區樓市波動程度唔同,好似新界區,每次樓市下跌都首當其衝,反而中半山企得硬淨,升得又最快。至於今年股市都係唔上唔落,七師傅預測春天會出現小陽春,股市會反彈少少,但之後都係跌,入市要睇準時機。

七師傅生財有道。
七師傅生財有道。

 

同男友好Sweet。
同男友好Sweet。

 

黐住行運人增加能量

提到MIRROR、軒公(張敬軒)、ERROR、陳安立等好友,她指未來一年大家都會行運:「黐住啲行運人,大家有返咁上下能量,會相輔相成。」七師傅仲自爆念「舊情」,見軒公現身她唱笑會中,仲大送金豬,所以她會為佢唸經加持,祝佢永遠都咁好,相信今年軒公同MIRROR一樣會Keep住紅,MIRROR甚至有機會去外國發展:「好似姜濤又乖又純又孝順,會有好多人鍾意;盧瀚霆形象好好;呂爵安行輕鬆搞笑路線,3人好有可能喺影圈跑出成為最佳新人。去年佢哋發生咗啲唔如意事,但大家都唔想,成長過程要經歷跌跌碰碰,要有勇氣及自信去相信自己。」更叮囑他們士氣唔好被打沉。

軒公曾現身七師傅嘅唱笑會中,仲豪送金豬,七師傅常為他唸經加持。
軒公曾現身七師傅嘅唱笑會中,仲豪送金豬,七師傅常為他唸經加持。

 

姜濤可愛又孝順,在新一年依然受歡迎。
姜濤可愛又孝順,在新一年依然受歡迎。

 

七師傅睇好形象好好嘅盧瀚霆在影圈發熱發亮。
七師傅睇好形象好好嘅盧瀚霆在影圈發熱發亮。

 

男人有本事唔憂冇女

問到邊個鏡仔今年會行桃花運?七師傅語重心長表示,唔建議佢哋拍拖:「一個出名嘅藝人唔好拍拖,作為藝人喺拼搏時間最重要係保持知名度,要專注工作就要有所犧牲。」七師傅還列舉出3大反對理由:「當紅一定好忙,冇時間陪伴令對方好lonely,對另一半唔公平;咁牽掛唔能夠集中精神工作,萬一被狗仔隊影到就緋聞多多;最重要係,如果被對方利用,拎住把柄就更麻煩。」七師傅希望鏡仔集中火力事業上,強調有本事嘅男人就算年紀大都唔會擔心冇女,一定有好多女人鍾意。

邱士縉(Stanley)跟Alina(李炘頤)拍拖多年,不時晒恩愛。
邱士縉(Stanley)跟Alina(李炘頤)拍拖多年,不時晒恩愛。

 

師傅年賺天文數字,單係交稅都過百萬,所以每月都會做布施。
師傅年賺天文數字,單係交稅都過百萬,所以每月都會做布施。

 

七師傅去年大豐收,也嘗試拍電影《猛鬼3寶》。
七師傅去年大豐收,也嘗試拍電影《猛鬼3寶》。

 

身家「億億聲」嘅七師傅強調唔注重名利,她最愛反而係修行。
身家「億億聲」嘅七師傅強調唔注重名利,她最愛反而係修行。

 

 

即時娛樂