何文田梭椏道11a地下一間健身中心，繼上年8月被人兩度淋紅油，今年1月26日及今日(28日)先後亦被淋紅油，健身中心外的cctv拍下兇徒淋油實況，今日凌晨零時許，一名男子手持兩桶紅油，行至健身中心外，向玻璃櫥窗及招牌燈箱淋潑紅油，地面遺下大灘紅油漬，今晨健身中心教練返回開舖時發現報警求助。
5個月內4度被人淋紅油 每次均有報警
前日(26日)一名男子走到健身中心外淋潑紅油。cctv截圖
男子凌空飛掟兩個載有紅油的膠桶。cctv截圖
紅油滿地。cctv截圖
今日(28日)凌晨另一名男子手持一桶紅油撥向健身中心大閘。cctv截圖
今日(28日)凌晨另一名男子手持一桶紅油撥向健身中心大閘。cctv截圖
地面留下大片紅油漬。cctv截圖
去年亦有一名白衣男到健身中心門外淋紅油。cctv截圖
去年亦有一名白衣男到健身中心門外淋紅油。cctv截圖
逞兇後火速逃走。cctv截圖
據姓楊健身教練透露，健身中心老闆是他的友人，正在海外旅行，將鎖匙交予他開開及代為打理。楊表示，健身中心開了兩年多，一直做街坊生意，老闆無欠債，無與人結怨，不知被淋油刑毀原因。去年8月先後兩度遭人淋紅油破壞，以為事隔5個月已平息，豈料前日(26日)及今日(28日)又再捲土重來。他四次均有報警。
健身中心的玻璃櫥窗及招牌燈箱被淋潑紅油。楊偉亨攝
健身中心的玻璃櫥窗及招牌燈箱被淋潑紅油。楊偉亨攝
滿地紅油漬。楊偉亨攝
招牌燈箱亦淋上紅油。楊偉亨攝
有關健身中心開設兩年多。楊偉亨攝
「唔知咩原因，無非想令街坊覺得呢度有麻煩，做唔到生意，趕你走，如果有人咁憎你，或者欠錢，都係想要錢，或者打你一身，但依家係冇原因，無非有個目的，真係想趕你走，呢度冇人收陀地，又冇欠債，冇人貼過大字報追債。」
探員問報案人：你哋會唔會識黑社會可以同佢哋傾吓 「我係正當人家 點會識黑社會」
最令楊感到大惑不解是，前日被淋紅油後，他往警署報案，竟有探員問他是否有相識的黑社會，「阿Sir話你哋識唔識黑社會可以同佢哋傾吓？ 我同佢講，我哋係正當人家，點會識黑社會呀，如果識得黑社會，就唔會報警，自己都解決到啦，我係黑社會的話，唔需要勞動警方去查，我有自己方法解決啦，但我哋係正當做生意！」
楊又坦言，他友人打開門做生意，不會硬sell ，服務態度良好，不明兇徒動機。他又指前日發生淋油後，竟隔一天又犯案，以為警察會加強巡邏，豈料有人變本加厲。「我哋要做嘅嘢都做晒，我哋都做唔到咩嘢，做唔做到嘢係警察嘅事。」
他說健身中心開設兩年，剛剛續新租約兩個月，他與老闆一直合作愉快，豈料多次被人刑毀，「如果個個都係咁，真係唔使做生意！」
