做咗電視台三十年先轉去做電影？好多人都問我點解，咪因為一個字「窮」囉！鬼叫我老公搵錢唔夠多咩，不過，有錢都未必係件好事，尋晚食飯大家先講起阿「老前輩」仍然要出嚟捱，成日見到佢，因為老婆生前欠落一身賭債，過身後成條數過晒落「老前輩」身上，加上班仔女唔生牲，唔揾食就無錢過日子，睇見都心酸。
估唔到「老前輩」後繼有人，圈中被一致認為「廿四孝老公」的孝哥，後生時情路坎坷，又結又離唔經唔覺已經娶咗3個老婆。有名你叫孝哥佢人品真係不錯，同第二任老婆出問題，係因為一直堅持對第一任照顧，個個月俾贍養費，連對方的新男友都幫手養埋，終於令當時老婆睇唔過眼，日嘈夜嘈終於分手收塲。
現在即係第三任「孝嫂」樣靚身材正，重點係好旺孝哥，婚後令佢事業漸進佳境，而孝嫂一直希望老公搵多啲錢，同一班阿太走得好埋，太太團靠打牌聯誼，但牌技又唔叻，孝嫂輸埋輸埋都輸咗半層樓。
現在即係第三任「孝嫂」樣靚身材正，重點係好旺孝哥，婚後令佢事業漸進佳境，而孝嫂一直希望老公搵多啲錢，同一班阿太走得好埋，太太團靠打牌聯誼。
阿太們又教孝嫂投資，買基金買股票，其實孝嫂好認真，認咗其中一位阿太做師父，眼見孝哥日捱夜捱只係搵有限錢，師父又好似幾有運，買乜贏乜，於是將私己錢跟師父投資。
事實上孝哥漸漸發覺老婆染上了一舖博就有唔博就無的賭徒心態，對所有買賣都有興趣，完全收不到手，而最慘孝哥最近身體出問題，仍然博老命北上，外人唔知內情，背後封佢做「恨錢怪」，其實是賭債夫還。
尤其近期大冧市，孝嫂輸到標冷汗，孝哥惟有帶孝嫂去睇心理醫生，希望情況會改善，由於想賣物業填氹又賣唔出，連孝哥自己都鬱出病，認真頭痕！
近期大冧市，孝嫂輸到標冷汗！
