國際級樂壇天后麥當娜（Madonna）冇話退休，仍然活躍歌壇同社交網，之前為賀出道40周年推出精選唱片《Finally Enough Love》，成績相當唔錯，證明仲係好多人聽佢唱歌。
本周二（16日）係麥當娜嘅64歲生日，喺意大利西西里島跟《神探福爾摩斯》導演佳烈治（Guy Ritchie）所生的兒子Rocco慶祝完22歲生日，就輪到同自己開生日P，知道麥嬸嬸一向貪玩最鍾意開P，換上黑式喱士低胸連身裙及戴住白色帽嘅壽星女，繞住17歲養子David Banda出場。
之前同大仔慶祝生日。
輪到自己開生日Party。
17歲養子David Banda繞住阿媽出場。
係咁跳舞。
跳到坐地下。
又飲又食又跳舞，去到切蛋糕環節，High足全晚嘅麥嬸嬸收到櫥窗人型Display蛋糕，大女Lourdes搞啱時間現身陪阿媽吹蠟燭，又同阿媽飲酒兼錫錫媽媽，由於阿女件衫又鬆又低胸，仲好似疑似露點㖭。
個蛋糕好別緻。
大女現身攬攬媽媽。
同阿媽碰杯再錫錫。
大女唔化超濃妝都幾好樣。
10歲雙胞胎養女Stella和Estere，三母女着到瓷器咁。
咪以為麥嬸嬸一把年紀，佢仲好緊張樂壇，接受雜誌訪問提到流行樂唔係得佢一個人做，強調「我不能將所有功勞都拎走。」仲對未來好有抱負，表示搵緊人幫佢提升去新水平。當然內容仲有好多，但重點係輯相，一班型男索女開晒P，戴住粉紅色假髮嘅麥嬸嬸同黑人男模玩脷叠脷，又狂啜對方條脷，甚至瞓喺男方身上錫對方乳頭，第二個做會覺得好喪，麥當娜咯喎，不驚訝。
麥嬸嬸啜到食雪條咁。
仲舔乳頭，好色色。
脷叠脷，影相啫。
呢個阿嬸好癲。
