梁靖琪新搞作推出健康月餅 私心為老公喜好阿爸健康

梁靖琪(Toby)在4月誕下幼子施睿安(Rian),貴為兩子之母的她近日還進軍飲食界,聯同老字號品牌合作推出月餅,背後原因竟是為了想家人健康着想,如此愛心滿瀉,當然得到一班好姊妹力撐!自從升呢「媽媽」身份,Toby為照顧小朋友已耗盡個人時間,暫時難以接拍劇集,但卻把握今次機會延續自己的事業夢。

 

Toby和品牌合作推出健康月餅。

 

拍廣告當日,即場跟師傅學整月餅以拍攝時用。

 

而投入這門生意,原來背後還因為Toby有顆「私心」,她謂:「爹哋(梁家樹)好鍾意食月餅,老爺奶奶亦好鍾意食甜嘢,但始終年紀唔細,爸爸又有糖尿病,所以都想佢哋食得健康,今次做月餅著重健康材料,用海藻糖代替白糖,令糖份減半,等大家可以同家人一齊分享。」孝順的Toby亦不忘?老公開心,特意在月餅加入非傳統味道,就是老公的至愛口味:「老公好鍾意斑蘭味蛋糕,所以我提議月餅師傳不如試吓做呢隻味,點知效果出嚟真係perfect match。」

 

整得似模似樣,但原來Toby話都幾難。

 

Toby爸爸梁家樹有糖尿病,所以都想他食得健康。 ​

 

當然唔可以唔記得老公啦。

 

好姊妹即落單訂購支持

Toby日前還為月餅拍攝廣告,大晒產後火速修身成果,更化身「愛心做餅師」,一絲不苟地體驗做餅流程:「我雖然平時喜歡下廚,但唔係成日整甜嘢,所以完全被考起,大家見到整月餅,一啲都唔容易,我學咗一段時間,但本身手腳不協調,絕對有進步空間,不過唔緊要,我去學做餅的主要目的,是希望對自己生意更清楚了解。」今次Toby生招牌做月餅,好姊妹「七魔女」更第一時間「落單」支持。

 

個造型又似模似樣。

 

其他6位好姊妹即落order支持。

 

星島新聞集團慶回歸25周年專題網站,請即瀏覽

即時娛樂