豬肉威除罩後「威威豬」大逃亡 設計紋身氹fans被踢爆圖案抄LuLu豬

今年6月突然爆紅嘅荃灣肉類分割員劉宋威(威威),好委屈開直播話人紅多是非,對瘋傳多宗負面傳聞,忍唔住要拍片澄清。他更強調:「我都係基層出身,屋邨長大,點解有紋身就唔係好人,要畀人歧視?點解我工作係賣豬肉,揸住把刀就俾人話斬人?」更透露已找紋身師設計咗「威威豬」紋身嚟紀念一班Fans的愛護。威威果然冇食言,但一眾網民卻唔多肯收貨。

用心打理緊豬肉事業嘅威威日前被fans發現右臂紋咗「威威豬」圖案。

威威最新嘅紋身被讚可愛。

威威手臂嘅「威威豬」紋身。

 

威威臂上紋身同午餐肉罐頭豬(LuLu豬)sticker好似。

 

除罩拍廣告走粉

威威於上月中首次除罩拍廣告,真身曝光後惹網民熱討,除罩前被指貌似MIRROR成員AK及羅志祥(小豬),除罩後明顯急促「走粉」,威威為咗冧返班「威威豬」,除咗拍舞獅片,事隔兩個月仲悄悄「找數」去咗紋身。

上月中威威對瘋傳多宗負面傳聞,忍不住拍片澄清,欲哭無淚。

威威舊相惹嚟唔少負面傳言,甚至指他係行「古惑」。 ​

師奶fans熱討反應明顯冇以前咁熱烈。

搞到去驗毒,驗明正身。

兩個月前威威出片,有7.9萬人觀看。 ​

除罩後,最新一條舞獅片,得返9千人收看。 ​

 

威威言出必行,?到一班「威威豬」好冧。 ​

日前有忠粉發現威威右手手臂有兩行小豬紋身,然後po相文喺「荃灣鮮肉應援團」Page開心share,相中見兩排紋身位於手袖位對落,位置啱啱好,唔會畀手袖遮得到,小豬仔紋身圖案有唔同嘅表情及動態,細睇中間嗰隻豬,仲寫住Wai Wai個名㗎!睇嚟好有誠意咁,一眾「威威豬」即大讚威威言出必行,留言:「勇氣可嘉,紋到啲「威威豬」好可愛」;仲話威威對fans好好;新紋身好靚好可愛…

自從真面目示人後走粉狀況更嚴重。

被笑學貓狗嘅神髓

不過好多網民就唔收貨,眼利網民一睇就睇得出威威新紋身抄襲LuLu豬,不滿他又話自己設計,最後都係抄襲人哋真係好cheap,最搞笑有人留言話:「原來學貓狗嘅神髓係為咗咁。」

網民取笑他原來紋小豬圖案係學貓狗嘅神髓。

 

威威近排靜咗落嚟,連舞獅都要玩埋。

 

星島新聞集團慶回歸25周年專題網站,請即瀏覽

即時娛樂