呢個世界，一定要有競爭，才會有進步。不論人與人、機構與機構、城市與城市、國家與國家，全部最好永不停步競爭，才能永遠向前，如此，前景肯定燦爛！
競爭時，有人用明招，有人用暗招，只要合法，絕無不可。其中一招，正是——趁你病 你命！講得好絕，但講競爭，難道當你對手弱時，你放軟手腳？簡簡單單如在球場上，你當然趁勢將對手放乾，等佢冇得追！
最近疫情稍斂，幾位商界朋友，匆匆前往亞洲各國處理業務。前晚回港重聚，一致看法：「香港今次大鑊，中正不進則退大理論！」
點解？因為我 最大競爭對手新加坡，趁香港仍窒下窒下唔開關，而就算開少少都行一步退三步，於是睬你都 ，睇準我 「防疫死穴」，一刀刀係咁插落去，包括搶資金、搶人才、搶遊客，政府全攻型去馬， 晒身。
老友M騷畀大家睇一張海報，展示新加坡大力全球出擊的宣傳攻勢。背景為最現代化的一級金融中心大樓群，標題口號——《The Best Time To Move Is Now》！內文形容新加坡政治經濟環境穩定、匯聚全球頂尖人才、效率快速、出入自由……結論——喂，所有跨國集團都 晒喇，你仲唔動身？
唉……曾幾何時，以上令一個城市驕傲的優勢，乃香港四圍宣傳的強項。如今？竟然比新加坡撳住打，也撳住搶（資金、人才及遊客）！
點解？大家心知，但好難盡情全盤分析，再要求政府立即逐一解決。
事到如今，要拆牆鬆綁，市民無權無勇，當然冇得搞，一切仍要睇睇新特首、新班子有乜視野、有乜魄力 。
講真，同是國際城市，新加坡真係有條件「串」我 。簡單，香港GDP次季跌百分之一點四，睇 會繼續縮。但佢 呢，第一季升百分之四，第二季升百分之四點八。
香港輸 邊？有冇掌權者能以遼闊胸襟認認真真查找不足，再開誠布公，然後急起直追呢？我好想見到！
