李幸倪（Gin Lee）昨晚（2日）為一個音樂會演出，被追問是否簽約英皇，她笑言與環球的合約還有一段時間，完成節目《星夢傳奇2》後就會返馬來西亞，為父母慶祝生日，但未知逗留幾耐。問是否回鄉結婚？她說：「唔係，我仲有好多音樂嘅事想試，雖然工作同結婚無衝突，但現在冇結婚計劃，工作為重。（是不是簽英皇？）未落實，一直都有同唔同嘅人傾，希望將來有唔同嘅發展，我都希望盡快有定案，但手頭上仍有好多工作，《聲夢2》都要做大半年。」
Gin Lee表示未落實是否簽英皇。
Gin Lee稍後會返馬來西亞跟父母慶祝生日，否認秘密結婚。
講到《聲夢2》學員趙紫諾（Sabrina）日前在節目上表演超班，身為導師的Gin大讚她很有潛質，「佢只有13歲，我都唔確定自己13歲時嘅聲音係點，佢好犀利，聲音又厚，我好鍾意佢，第一Round搶學員時已想搶到佢，但唔夠林奕匡快手，之後能不能搶到就要留意節目。」
Gin Lee大讚13歲嘅Sabrina聲底夠厚。
星島新聞集團慶回歸25周年專題網站，請即瀏覽
