上周打開報章娛樂版，咦喂，老友「銀髮S」真真好風騷喎，出任電視台高層後，搞出成績，於是帶幾位靚仔靚女藝員，聯同客戶高層開記者會，公布好消息。我一見，立即整個WhatsApp潤下佢：「S哥，你就好啦，美女如雲相伴，恨死隔籬啊！」
佢行走江湖幾十年，當然有晒金鐘罩：「喂喂碌Sir，咪亂 啊大佬。此乃我加入電視台後，第一次有咁多女藝員同場活動，故早早已經預先向太座申報，老友，你睇我對手擺 邊？」唔，再睇睇，真喎。大會安排一位穿吊帶裙性感女藝員緊貼阿S身旁，佢老哥對手幾大放自己身後雙握。不只，再要用個背脊「得」住旁邊位靚女，做足保護工夫，絕對冇位畀我 呢班多口老友「插」。
不過，群組內的兄弟見佢咁風光，仍七嘴八舌。例如大H就窒佢：「唔……好 ，目不『邪』視，政治百分百正確！」
講真，「銀髮S」在朋友圈中，早屬著名堅貞「愛妻/畏妻號」，大家當然絕對「暫時有信心」（即係長遠唔敢包，哈哈哈！）啦。事實，點解咁多富豪冇乜錢賺都重錘做電視台及拍電影呢？
說穿了——虛榮，兼有大量其他行業冇的「邊緣福利」！
全球電視台老闆或高層，都會成為當地權貴需要接近的人，因有影響力也。這個，你無論做任何生意、幾富有都好，也冇此「福利」。
另外，最正係奉旨接近大明星！
投資拍一部戲，開鏡時，可召集所有一線紅星圍在你身邊拍照見報，幾威威？有邊種投資能夠如此？仲有，得閒又可以Call埋記者去探班，指手畫腳窒 導演監製，好似好威咁曝光。
影史上，最巴閉一幅相，為已逝世的邵逸夫爵士，召集所有紅星排排企，自己就坐在最前排中間，成個皇帝咁款，簡直威爆玻璃光芒四射！ 種感覺，大家幻想 都知有幾「光宗耀祖」之感。
電影電視老闆及高層的「福利」，真的非比尋常，試 無不立即上癮！
