TVB《娛樂頭條》停播半年昨晚（6日）正式重播，並找來近日人氣急升的陶大宇為節目「翻生」打頭炮，身處廣州的大宇更氣運丹田即時獻唱，並搞笑叫觀眾「移後少少」。
陶大宇笑言︰「究竟我仲應唔應該唱得更加好呢？」提到水撥手勢，他表示原意是用來跟大家互動打招呼，點知揮出這樣效果。之後他又向原唱的劉德華說︰「華哥仔唔好意思，搞到你首歌咁樣，不過你唔會怪我嘅！」
另外，陶大宇又接受港台節目《騷動音樂》訪問，對於聽眾點歌給他，陶大宇感動表示：「真係要珍惜同享受，如果呢個世界冇咗音樂，呢個地球真係倒轉架喇，生活都冇意思。」
對於網民笑言要推舉他為本年度「我最喜愛男歌手」，他表示：「都係做返一個『我最喜愛聽音樂嘅人』比較好。」
